حياكم الله معاي
الحمدلله رب العالمين اللي بلغنه شعبان الله يتمم لنه على خير
ويغفر لنه
ويبلغنه رمضان صياما وقيما وبقبول استغفارنه ويجعلنه واياكم من اصحاب الفردوس الاعلى المكرمونF:
حبيت انزل هالموضووع عشان استفيد من تجاربكم وافيدكم بتجاربي
كل وحده منه اكيد تستعد لرمضان فان شاءلله مايدش رمضان الا معظم امورنه مخلصينها ويكون وقتنه برمضان للتعبد والاستغفار
راح ابتدي معاكم بسمبوسه ملوخيه و دجاج
احبها وكل سنه اسويها ولذيذه
المكونــــــــــــات:
كلهم حسب الرغبه انه سويت حق 100 حبه فقط
1- ملوخيه كيس كامل
2- دجاج حسب الرغبه
3- نص ليمونه
4- فلفل اسود حسب الرغبه انه كثرت منه لان ابغيها شوي سبايسي
5- ماجي مربعه واحده فقط
6- زيت
7- كأس جبن صغير
8- صماغ لذيذ واحب اكثر منه يعطي نكهه الحموضه
9- ملح
10- بصل
صوره جويه للمكونات:thumbs_up:
الطــــــــــــــــــــــريقه:
1- نحمر البصل الى ان يحمر قليلا ونضيف اليه الملوخيه نتركه قليلا الى ان ينشف الماء تقريبا منه
2- نضيف الزيت ونغلبه ومن ثم نضيف اليه الدجاج ونستمر بالتغليب
3- نضع الماجي
4- نضع الملح والفلفل الاسود والصماغ ونغلبهم جيدا حتى يختلط المزيج بالكامل
5- نضع كأٍس الجبن باكمله ونمزجه بالكامل
6- اخيرا نعصر الليمونه عليه
وهاي الصوره النهائيه للدجاج والملوخيه
هني بعد مالفيناها ولله الحمد
ماشاءلله تبارك الرحمن
يارب تعجكم وتطبقونها
لاتنسون تقيمي ياحلوات عشان احط لكم كل فتره شي يديد
وهمتكم حطووا جديدكم
سمبوسه دجاج وبطاطس ( الصفحه رقم ( 4)
حشوه البيتزاء للفطائرصفحه رقم (5)
